影片
更多
2018-02-09
83 浏览
今日简直系大奇迹日，向来「知悭识俭」嘅细佬中咗公司新春Party现金巨奖，主动豪请食饭。钟意食日式烧肉嘅佢，话今次系食「质」唔系食「量」，所以唔会考虑烧肉放题。咁大口气我就唔客气啦，拣咗来自日本嘅牛禅，肯定正宗高质。餐厅装潢高雅，够high class。【雪里玉$45】新鲜火龙果加荔枝汁调配嘅沙冰，有火龙果蓉，好清爽，香浓果味又唔会过甜。【蓝蝶绮萝$55】绮罗系指华贵嘅丝织品或丝绸衣服，听个名都好吸引。呢度取其谐音为绮「萝」，因为系蓝色嘅蝶豆花泡水后再mix菠萝汁。望落只色好靓，如果用个长身嘅杯相信会更华丽。味道系新鲜菠萝汁，配烧肉就啱晒～【五品刺身】【响螺$298】咬到「嗦嗦」声，极爽口嘅螺肉，味道超鲜甜，不过只系一只螺嘅份量，$298真系贵咗啲。【三文鱼腩$118】油脂好丰富，而且口感比之前食过嘅三文鱼刺身软滑。【牡丹虾$78/只】唔算大只不过胶质重，黏黏嘅口感，虾味浓郁。【深海池鱼$188】轻轻火炙过嘅鱼皮，微焦嘅香口带鲜甜鱼肉，夹！【银线鱼$188】第一次食银线鱼刺身，闪亮嘅银色鱼皮好吸睛。鱼肉味浓郁。【明太子玉子烧$128】明太子系卖飞佛当然要叫啦。上枱时仲冒紧烟香喷喷，我就
餐厅装潢高雅，够high class。
【雪里玉$45】新鲜火龙果加荔枝汁调配嘅沙冰，有火龙果蓉，好清爽，香浓果味又唔会过甜。
【蓝蝶绮萝$55】绮罗系指华贵嘅丝织品或丝绸衣服，听个名都好吸引。呢度取其谐音为绮「萝」，因为系蓝色嘅蝶豆花泡水后再mix菠萝汁。望落只色好靓，如果用个长身嘅杯相信会更华丽。味道系新鲜菠萝汁，配烧肉就啱晒～
【五品刺身】
【响螺$298】咬到「嗦嗦」声，极爽口嘅螺肉，味道超鲜甜，不过只系一只螺嘅份量，$298真系贵咗啲。
【三文鱼腩$118】油脂好丰富，而且口感比之前食过嘅三文鱼刺身软滑。
【牡丹虾$78/只】唔算大只不过胶质重，黏黏嘅口感，虾味浓郁。
【深海池鱼$188】轻轻火炙过嘅鱼皮，微焦嘅香口带鲜甜鱼肉，夹！
【银线鱼$188】第一次食银线鱼刺身，闪亮嘅银色鱼皮好吸睛。鱼肉味浓郁。
【明太子玉子烧$128】明太子系卖飞佛当然要叫啦。上枱时仲冒紧烟香喷喷，我就成件放入口，玉子仲带少少蛋汁，浓浓嘅蛋香蛋汁同明太子嘅咸香好夹，加上每件都厚身，食落好满足。
【吉列豚肉$78】外皮炸得非常松脆，炸浆薄所以唔会感到腻滞。不过豚肉唔算好juicy，蘸甜酱油食就冇咁寡。
【极上和牛盛宴$1580】主角上场啦，啲牛肉唔系乱摆，而系根据返牛肉所属部位嘅位置。每个部位嘅牛肉色泽、纹理都唔同。仲有张图介绍唔同部位嘅肉味、咬口同油花等级。店员建议次序系由淡至浓咁食，一于跟足。
每个部位嘅牛肉都非常高质，印象比较深刻有：
【极上和牛牛舌】今次真系俾佢「fake咗」。一食落去已经feel到好多牛油，明明牛舌应该唔多油，睇返张图油花都只有一级，但一级已经咁丰富，而且口感亦不失爽脆，果然系极上和牛。
【牛外胸腹】肉质劲嫩，油脂多到好似饮左啖油咁，大满足。
【牛肩】肉中间有条透明嘅筋，但条筋食落完全唔韧，筋嘅两边油花分布唔同，好特别。口感系咁多部位之中最好，爽口，有啲弹牙。
【牛颈脊】肉质软腍，油花系五级，话佢牛油满泻真系毫不夸张。
【什菜盘$88】咁多肉落咗肚，要食蔬菜平衡返。鲜冬菇菇味丰富，鸡脾菇同南瓜片都几甜，高纤维帮助消化解脂。最好系食两三款烧肉就烧下啲蔬菜食，减低腻感。
食完呢餐真系回味无穷，而家睇返啲相入面和牛嘅油花，都仲流紧口水。活著真好，多谢细佬~
张贴
