影片
更多
2023-02-10
194 浏览
约咗朋友嚟淘大睇戏，开场前先去附近揾个地方医肚。朋友想食海南鸡，带咗我嚟商场地下呢间「栢档极品海南鸡饭」。餐厅主打海南鸡，另外亦有卤水元蹄、肉骨茶、手剁鱼香肉饼、秘方卤烧猪颈肉饭等供应，选择都算多，而且部分更设有轻量版本，啱晒啲比较细食嘅人士。朋友拣咗个极品海南鸡一人套餐 ($83)，而我就点咗香煎手剁鱼香肉饼饭 ($64) 同 肉骨茶 ($52)，一于齐齐开心 Share。个一人套餐嘅阵容都几丰富，有皇牌靓汤、极品海南鸡、健康翠绿时菜、鸡油香饭同迷你雪米糍。皇牌靓汤真材实料，内有南瓜、粟米、红萝卜和猪骨，汤身热辣辣，味道非常清甜，绵密滋润，鲜味十足，而且饮得出无落味精。 海南鸡选用三黄鸡，食落肉质好嫩滑，外皮富弹性，鸡味亦很浓郁，入口啖啖肉。特制嘅三色酱更系灵魂所在，用嚟配海南鸡，更添滋味！伴吃嘅油饭亦做得好有水准，饭粒饱满、香气十足，但食落又唔会太油腻。跟餐仲有碟色泽翠绿嘅蚝油唐生菜，入口非常爽甜。至于另一客香煎手剁鱼香肉饼，味道亦不错，底面都煎至金黄焦香，食落肉质好松化，咸淡得宜，细嚼下更可尝到淡淡鱼香，十分美味。单点嘅肉骨茶，份量亦唔野少，大大碗，用料十足。先尝一口以玉竹、党参
约咗朋友嚟淘大睇戏，开场前先去附近揾个地方医肚。朋友想食海南鸡，带咗我嚟商场地下呢间「栢档极品海南鸡饭」。
餐厅主打海南鸡，另外亦有卤水元蹄、肉骨茶、手剁鱼香肉饼、秘方卤烧猪颈肉饭等供应，选择都算多，而且部分更设有轻量版本，啱晒啲比较细食嘅人士。
朋友拣咗个极品海南鸡一人套餐 ($83)，而我就点咗香煎手剁鱼香肉饼饭 ($64) 同 肉骨茶 ($52)，一于齐齐开心 Share。
个一人套餐嘅阵容都几丰富，有皇牌靓汤、极品海南鸡、健康翠绿时菜、鸡油香饭同迷你雪米糍。
皇牌靓汤真材实料，内有南瓜、粟米、红萝卜和猪骨，汤身热辣辣，味道非常清甜，绵密滋润，鲜味十足，而且饮得出无落味精。 
海南鸡选用三黄鸡，食落肉质好嫩滑，外皮富弹性，鸡味亦很浓郁，入口啖啖肉。特制嘅三色酱更系灵魂所在，用嚟配海南鸡，更添滋味！
伴吃嘅油饭亦做得好有水准，饭粒饱满、香气十足，但食落又唔会太油腻。跟餐仲有碟色泽翠绿嘅蚝油唐生菜，入口非常爽甜。
至于另一客香煎手剁鱼香肉饼，味道亦不错，底面都煎至金黄焦香，食落肉质好松化，咸淡得宜，细嚼下更可尝到淡淡鱼香，十分美味。
单点嘅肉骨茶，份量亦唔野少，大大碗，用料十足。先尝一口以玉竹、党参、圆肉、红枣和杞子熬成嘅汤底，药材味啱啱好，带啖啖回甘，很容易入口。
排骨炆得好腍，一咬就骨肉分离骨，加上索汤一流嘅豆卜，最佳配搭。
张贴
