B-mix 燒肉餐酒館 (已結業)

今日放假同朋友入咗元朗行街睇戏,睇完戏朋友带咗我去附近揾啲好嘢食。B mix烧肉餐酒馆 ,地址元朗凤攸南街好顺利大厦一楼2至3号舖,去到餐厅地方好阔落,装修得好有日式风情,好似置身于日本一样,感觉又干净又舒适。活宰白鳗鱼餐 638元安格斯牛颈脊,牛肉味香浓,有入口即溶嘅感觉加上脂肪分布均匀,油花味特别香。厚切牛舌,口感爽脆油花分布均匀,鲜脆多汁非常好食。极上牛五花,肥瘦相间,油脂比较多,牛肉味道更加有层次,口感非常嫩滑。黑豚猪腩,油脂分布均匀食起来口感细嫩,黑豚肉比普通猪肉肉质更加嫩滑,味道更加香浓。萨摩赤鸡髀肉,鸡髀肉质嫩滑口感细软有弹性,鸡肉味香浓。活宰白鳗鱼,一整条白鳗鱼睇到都好非常吸引,鳗鱼烧到啱啱好,鱼皮烧到金黄色入口脆卜卜,鳗鱼肉油脂比较香,鱼肉非常嫩滑,加上有啲油花香味,真系一百分。好好食。另外餐跟沙律,白饭,蒜蓉牛油野菌,唐生菜。特大新鲜果茶 68元,果茶真系劲香,入口清凉解渴,非常好饮品。