Ha Noi 越南菜

营业中

休息中

行街行到攰攰地，同朋友坐底食返个early dinner抖抖先~拣咗呢间Ha Noi 越南菜，系尖沙咀重庆大厦地库heath。极品牛三宝汤河粉生牛肉大块得嚟入口即溶，牛展够软淋，牛丸好弹牙又重牛味！鲜味既汤底仲有淡淡洋葱既甜味，河粉仲好嫩滑添~越式春卷檬粉檬粉好q弹，淋上越式既酸甜汁好清爽。春卷新鲜炸起入口超脆，馅料丰富。越式香茅猪扒（细）猪扒用咗香茅等香料腌制，腌得好入味，肉质唔会柴，够哂惹味。越式猪颈肉（细）猪颈肉好JUICY，啖啖肉，配搭埋炸蒜一齐食真系超香口～椰汁红豆冰椰汁味浓郁，红豆口感好绵密。鲜芒果西米露芒果好甜，西米份量十足，同样加上椰汁，好香甜！