鮨政 (已結業)

芥辣金䲝鱼牛油果🤞🏻呢个算系餐前小食，份量唔多，但系已经好好味，食完之后会好开胃，牛油果切到一粒粒，好新鲜，好creamy，金䲝鱼亦都系切咗一片片，鱼肉好鲜甜，好嫩，加埋少少芥末，辣辣地，正！炸软壳蟹🫶🏻呢个炸软壳蟹真系超级出色，一大只软壳蟹原只拎去炸，炸粉好薄，啱啱好包住啲软壳蟹，炸到出嚟完全唔会觉得油腻，软壳蟹都好多膏，好新鲜，新鲜热辣咁食，超爽！三文鱼牛油果沙律🤟🏻呢个沙律亦都好好食，三文鱼同牛油果嘅份量配搭得啱啱好，三文鱼好肥美，肉质好好，同牛油果一样都系好滑身，加埋其他菜，好fresh好好食！寿喜烧式锅乌冬🫰🏻呢个寿喜烧好丰富，有好多牛肉大葱豆腐呢啲材料，牛肉好腍好嫩，豆腐亦都好滑，主角之一嘅乌冬亦都面质好好，好烟韧，好满足。