影片
更多
2011-10-04
75 浏览
哩日系daddy生日，我地决定一家大细去食海鲜餐，谂住贵d就贵d啦。结果到o左通记，d服务生服务唔好唔再讲，我地等o左阵位就上o左楼上坐然后我地放低o野就到楼下拣海鲜，我地拣左只长脚蟹，十只饱鱼，半条龙趸，10只扇贝6个人都够食啦，然后就上o左去讲返佢地知点整。d 𩠌o既卖相系唔错o既，不过最好食只系碟鲍鱼，佢真系好鲜甜，唔点豉油食都好够味，虽然只系清蒸，冇特别点处理，但睇得出好干净，而且真系好大只好厚肉，有半只手掌(女)咁大。如果10分满分，佢都有8分半o既。第二碟就系个烧鹅，唔记得影相，因为冇谂过系咁难食，又冻又un又冇味，连个卖相都系劲差o家，一味得个咸字，如果唔系咁难食，我都唔会上o黎写食评，仲要卖到咁贵，我拎d钱去捐o左佢都冇咁嬲。第三碟就系粉丝蒸扇贝，个样好得o家，但系d粉丝点完豉油都冇味o家，系劲淡，一个字--差。不过因为扇贝好新鲜，所以食落有鲜甜味，但我觉得唔关d厨事啰。如果头先碟鲍鱼要靠豉油先有味，咁就真系死得啦。第四碟就系椒丝腐乳唐生菜，因为冇咩特别，所以都冇影到相。唔作详讲啦!!第五碟紧系主菜啦，俾大家睇下有几大只先，紧系唔执输同佢影下合照啦!!二千几蚊只㖞我地问
结果到o左通记，d服务生服务唔好唔再讲，我地等o左阵位就上o左楼上坐
然后我地放低o野就到楼下拣海鲜，我地拣左只长脚蟹，十只饱鱼，半条龙趸，10只扇贝
6个人都够食啦，然后就上o左去讲返佢地知点整。
d 𩠌o既卖相系唔错o既，不过最好食只系碟鲍鱼，佢真系好鲜甜，唔点豉油食都好够味，
虽然只系清蒸，冇特别点处理，但睇得出好干净，而且真系好大只好厚肉，有半只手掌(女)咁大。如果10分满分，佢都有8分半o既。
第二碟就系个烧鹅，唔记得影相，因为冇谂过系咁难食，又冻又un又冇味，连个卖相都系劲差o家，一味得个咸字，如果唔系咁难食，我都唔会上o黎写食评，仲要卖到咁贵，我拎d钱去捐o左佢都冇咁嬲。
第三碟就系粉丝蒸扇贝，个样好得o家，但系d粉丝点完豉油都冇味o家，系劲淡，一个字--差。不过因为扇贝好新鲜，所以食落有鲜甜味，
但我觉得唔关d厨事啰。如果头先碟鲍鱼要靠豉油先有味，咁就真系死得啦。
第四碟就系椒丝腐乳唐生菜，因为冇咩特别，所以都冇影到相。唔作详讲啦!!第五碟紧系主菜啦，俾大家睇下有几大只先，紧系唔执输同佢影下合照啦!!二千几蚊只㖞
我地问d服务员点整好，佢就答我:清蒸又得,点食都得，鬼都知啦，答埋d废话，仲好似好唔满意行o左去。我地再叫另一个，然后冇再问佢地，就决定只蟹d脚仔就用地清蒸，中间就芝士焗啦，应该ok la挂。
到o左d𩠌o黎到o个刻，首先系脚仔，因为系清蒸，真系我都识呀，因为佢真系就咁放上碟蒸。因为只蟹好新鲜，所以真系几好味o既。
然后到碟芝士焗长脚蟹盖啦，个卖相我觉得唔系特别好，已经冇咩好感。因为d面好似干净净咁，张相d汁，一lo就冇晒，点俾咁多面用。食落口，一d都唔好食，因为d面仲淡过多水o既出前一丁，又冇芝士味，10分最多都系得2分啰。2千几蚊咁煮法真系好嬲啰，真系唔抵食。d肉系有鲜味，但系因为只蟹靓啰，嬲到我地想唔俾钱走人呀。
到最后o黎埋碟龙趸，真系....想死，当然都系冇味o既豉油啦，真系想知d豉油系咪贵得咁可怜，点解哩间o野可以咁唔掂，条鱼蒸得太过老，又唔够味，完全好似....白焯咁....真系哩世都唔会再帮衬，永无下次 ><
张贴
