四寶食堂 (已結業)

《四宝》越开越多分店，今次系旺角分店食左个最出名既葱油猪扒煎蛋饭，一上枱个下哇左出声，猪扒超级大块，成只碟咁大，而且厚身嫩滑，连骨，啖啖口，唔系用刀拍到佢扁薄个种。我个人麻麻地半生熟蛋，所以略嫌只煎蛋太生。葱油味道同烧味舖个种有啲唔同，比较淡，亦都冇姜味，如果钟意传统姜葱油既朋友可能会有啲失望。另外豉油亦略嫌唔够浓，就算捞埋豉油同葱油，味道都唔够香浓。佢份量真系好多，我一个女仔最后都食唔哂块猪扒，$60连饮品有呢个质素同份量实在值得一赞。