平靚正西餐 (已結業)

咁岩又黎左调景岭呢边行街，本身想试炑八既烧烤架，点知六折系要提前订位，咁就算啦。开个openrice黎睇下有无咩特别既食店啦，就比我揾到呢间平靓正西餐。利申返先，平靓正西餐系佢个餐厅名，而唔系我赞佢呀。首先系广受好评既柚子鸡翼， 柚子其实只系系平时冲柚子茶果D冲料。而鸡翼就。。。有鸡味啰。不过第一次食呢个味又几新鲜既。之后系呢个吞拿鱼+蛋 蛋卷。。。erm 个样同佢贴出黎差好远下，而且佢块皮唔熟。。 同埋我expect既蛋卷系鸡蛋卷住D馅... 食落馅有馅味，皮唔熟硬到我吐左出黎。 最后就系呢个芝士咖哩蚬肉意粉。 值得一赞既系蚬肉足料同新鲜既。但意粉偏硬，芝士咖哩无芝士味 咖哩汁似完全用咖哩粉冲出黎。总括黎讲，嗯 ，我觉得呢间餐厅系似屋企求其赶住整出黎既野食啰。平？我又觉得唔值呢个价。 唔会再食下次，宁愿食连锁既平价意大利餐厅仲好。利申返 以上系我自己既个人食评。