茶王冰室 (皇后大道中) (已結業)

落雨天唔想出街，就直接落office入面嘅茶王冰室买外卖。本身系奶茶爱好者，见到金茶王，唔使谂啦一定系叫奶茶。一饮，极失望，根本系甜奶水嚟，一啲茶味都无。金茶王个名用钱买返嚟？再讲食物，叫咗个麻辣鸡翼捞丁。呢个餐犀利，鸡翼系无味卤水鸡翼上面加啲麻辣粉。个面劲淋，淋到好似糊仔咁，加上一啲汁都无，完全食唔到入口，真系未听过捞丁系咁。明明系捞丁但又唔知点解有个汤，汤又系无味。总之成个餐都系奇奇怪怪九唔搭八。唯一好处系都算平，租户有九折。