魚一壽司 (教育路)

营业中

休息中

话说搬返黎元朗已经一段时间，留意到元朗最多人排队既日式有两间，一间系大马路X中，另一间就系呢间「鱼一」。由于早排食完X中，今日咁啱放工去咗嘉城，经过鱼一见无人排队就入场试下。首先上软壳蟹寿司卖相尚可，但系软壳蟹又冻又软，完全唔知炸完摆咗几耐既口感，没有比较没有伤害。烧鸡泡鱼干口感唔错，有浓厚既鱼干鲜味，微温。三文鱼腩刺身卖相普通，肉身鲜甜，食完无腹泻问题。起初仲谂紧点解餐枱上无Wasabi，原来随刺身附上。蟹肉蟹膏寿司寿司郎水准，不过不失。火炙寿司、左口鱼、牛肉他他等味道无惊喜，都系寿司郎水准。吞拿鱼手卷伏到唔知点形容，吞拿鱼少得可怜，紫菜又软又淋，未食过咁低质既手卷。最后系馒鱼同带子寿司都系𠮶句，寿司郎水准。由入座到离座前后应该九个字都无，因为太肚饿，快快趣趣食完就走。唔会再有下次，又一间失望既黄店。真系要排咁耐队既话，我宁愿食X中、寿司郎。