影片
更多
2019-11-23
45 浏览
今日同朋友经过太子一带，行行吓街，见有啲肚饿，就入咗依间几有格调嘅餐厅。我同朋友首先叫咗两杯啤酒。餐厅嘅happy hour去到9:00，我同朋友喺九点前叫咗两杯啤酒，一杯系Edelweiss，另一杯系Paulaner。 Edelweiss系来自奥地利嘅白啤酒，苦涩比较少味道清爽。Paulaner味道就会比较浓，果味较重。食物方面，我哋叫咗一个香烤美国传统猪肋排，一个龙虾汁虾肉意大利饭，一个黑森林pizza，仲有一个经典英式炸鱼薯条。香烤美国传统猪肋排整得好出色，猪肉冧得黎又有咬口，烧烤酱既甜味亦都唔会盖过猪肉既肉味。底下嘅薯条亦都炸得十分好吃，脆得黎唔会太干身，热辣辣。龙虾汁虾肉意大利饭亦都唔错，龙虾汁都几香浓。另外虾肉爽口弹牙，唔会霉。饭既处理更是出色，保持到饭既硬度，亦都将龙虾汁嘅精华吸收在内，每一啖都系一个享受。黑森林pizza 亦都比到惊喜我，pizza饼底香脆，面头舖满厚厚嘅芝士，极度邪恶。再配上香喷喷嘅黑松露菌酱同埋烤蒜，完全增加左味道上嘅层次。我个人就好钟意面头嘅火箭菜同埋脆火腿，为Pizza带黎不一样既口感。最后炸鱼薯条系我朋友最钟意嘅菜式，而餐厅亦都处理得不俗。炸鱼
今日同朋友经过太子一带，行行吓街，见有啲肚饿，就入咗依间几有格调嘅餐厅。
我同朋友首先叫咗两杯啤酒。餐厅嘅happy hour去到9:00，我同朋友喺九点前叫咗两杯啤酒，一杯系Edelweiss，另一杯系Paulaner。 Edelweiss系来自奥地利嘅白啤酒，苦涩比较少味道清爽。Paulaner味道就会比较浓，果味较重。
食物方面，我哋叫咗一个香烤美国传统猪肋排，一个龙虾汁虾肉意大利饭，一个黑森林pizza，仲有一个经典英式炸鱼薯条。
香烤美国传统猪肋排整得好出色，猪肉冧得黎又有咬口，烧烤酱既甜味亦都唔会盖过猪肉既肉味。底下嘅薯条亦都炸得十分好吃，脆得黎唔会太干身，热辣辣。
香烤美国传统无骨猪肋排
4 浏览
0 赞好
0 留言
龙虾汁虾肉意大利饭亦都唔错，龙虾汁都几香浓。另外虾肉爽口弹牙，唔会霉。饭既处理更是出色，保持到饭既硬度，亦都将龙虾汁嘅精华吸收在内，每一啖都系一个享受。
龙虾汁虾肉意大利饭
5 浏览
0 赞好
0 留言
黑森林pizza 亦都比到惊喜我，pizza饼底香脆，面头舖满厚厚嘅芝士，极度邪恶。再配上香喷喷嘅黑松露菌酱同埋烤蒜，完全增加左味道上嘅层次。我个人就好钟意面头嘅火箭菜同埋脆火腿，为Pizza带黎不一样既口感。
黑森林Pizza
4 浏览
0 赞好
0 留言
最后炸鱼薯条系我朋友最钟意嘅菜式，而餐厅亦都处理得不俗。炸鱼好香脆，鱼肉嫩滑，调味亦都适度好处，唔会太咸，再点上他他酱，完全地呈现经典英式嘅滋味。朋友话食落有返佢去外国读书时嘅味道。
经典英式炸鱼薯条
6 浏览
0 赞好
0 留言
总括而言，Chapter 3唔单止环境有气氛，嘢食份量都好大份，而且味道不俗，餐厅侍应嘅服务亦都好周到，今次我同朋友都得到好好嘅体验！
张贴
