紅館 (海堤街)

营业中

休息中

唔知几时开始，每区都一间专食辣野既餐厅。适逢岩岩系鲗鱼涌做咗野，特登约埋朋友过黎一齐食辣减压！一早book定位，果晚系第一枱客，佢铺位细细，加上系后巷入面，名乎其实系「隐世小店」。我地叫咗几样野，最推荐系佢个椒麻鸡！坚麻，食到个嘴唇卑哂，好过瘾！成都冒菜 — 一大碗有唔同配料，主要系蔬菜类（例如白萝卜、青瓜、金菇、芽菜）加少少牛肉，个人觉得个味道唔错，但性价比偏低。之后又叫咗个陈醋皮蛋同大鱼蛋，皮蛋正常发挥但估唔到佢个大鱼蛋好弹牙！而且大鱼蛋系唔辣，反而系甜！估佢唔到！要留意既系，啤酒方面佢只系有青岛，自己买酒会收返$50开瓶费。