小鍋霸 (新都城中心二期) (已結業)

睇食评知道将军澳有间不限时火锅叫小锅霸，食物质素唔错而且服务周到，所以去试下。今次order咗美国Prime Grade极上牛颈脊及西班牙伊比利亚黑毛猪套餐，汤底拣咗田园蕃茄浓汤牛肉涮涮锅，好鲜蕃茄及浓沃的牛肉味道而且材料十足。火锅食材我哋亦 order 大量的极上牛颈脊及黑毛猪肉，超有牛味及脂肪分布平均，芝士肠系我哋火锅必叫，鹌鹑蛋亦唔系好多地方有得叫，蛋香味浓。海鲜有虾及帆立贝，好大只又够海洋味，花枝丸、牛栢叶同埋虫草花滚熟后吸晒汤底嘅鲜味，再加上本身食材嘅质素，好好味。冬菇、金菇菜、鲜枝竹同样好fresh，啱哂唔太食肉嘅朋友。出前一丁系必选，因为吸哂汤内所有食材精华，宁舍好味。由于无限时间的关系，我哋可以尽情享用，任食任倾。饮品拣左冻柑桔柠檬及冻黑糖冬瓜茶，又解热气又解渴。甜品有Movenpick意式朱古力碎雪糕及Dreyer's士多啤梨扭纹脆筒，好低食。