影片
更多
2021-12-31
1266 浏览
近排真系好冻下~最啱就系去食烧烤火锅之类嘅嘢暖暖身🔥！ 呢日好似平时咁又同男朋友去元朗Yoho行街街，行到咁上下见饿就去咗「牛阵」试佢呢排新推出嘅和牛寿喜烧晚餐放题！ 唔知大家知唔知寿喜烧其实系日本人每逢节日或喜庆场合先会食嘅嘢，今次因为见就过年，所以当庆祝去食餐好嘢喇～ 寿喜烧有分关西风同关东风嘅食法，小妹喺到就唔班门弄斧la~简单嚟讲两者最大分别系牛肉嘅处理方法，关西风系喺空锅轻炙，而关东风就所有料一齐落去煮好似火锅咁~ 🧡寿喜烧 - 日本产黑毛和牛及日本豚套餐 (90 mins) （$359/位）入坐冇耐，一见霜降般嘅和牛上枱就知呢次绝对系拣啱咗！呢个价嚟讲静系食靓靓和牛都超抵！ 呢到嘅寿喜烧系用关西风煮法，先用和牛脂肪起镬 ，之后和牛每面轻炙一下， 淋返个寿喜烧汁，再点埋靓靓生蛋食，幸福就满满咁散发喺口腔入面，完美！ 除咗和牛之外，呢个餐仲跟咗新鲜海鲜拼盘、日本豚同寿喜烧嘅配菜，真系丰富到不得了！我哋食哂呢啲都已经好饱好满足！ 如果你系大食嘅朋友，其实自助吧仲有好多其他火锅配料、熟食、甜品等可以自取。我哋就试咗呢期限定嘅关东煮同鲷鱼烧，同样都好高质！ P.S. 我哋
呢日好似平时咁又同男朋友去元朗Yoho行街街，行到咁上下见饿就去咗「牛阵」试佢呢排新推出嘅和牛寿喜烧晚餐放题！
唔知大家知唔知寿喜烧其实系日本人每逢节日或喜庆场合先会食嘅嘢，今次因为见就过年，所以当庆祝去食餐好嘢喇～
寿喜烧有分关西风同关东风嘅食法，小妹喺到就唔班门弄斧la~简单嚟讲两者最大分别系牛肉嘅处理方法，关西风系喺空锅轻炙，而关东风就所有料一齐落去煮好似火锅咁~
🧡寿喜烧 - 日本产黑毛和牛及日本豚套餐 (90 mins) （$359/位）
入坐冇耐，一见霜降般嘅和牛上枱就知呢次绝对系拣啱咗！呢个价嚟讲静系食靓靓和牛都超抵！
呢到嘅寿喜烧系用关西风煮法，先用和牛脂肪起镬 ，之后和牛每面轻炙一下， 淋返个寿喜烧汁，再点埋靓靓生蛋食，幸福就满满咁散发喺口腔入面，完美！
除咗和牛之外，呢个餐仲跟咗新鲜海鲜拼盘、日本豚同寿喜烧嘅配菜，真系丰富到不得了！我哋食哂呢啲都已经好饱好满足！
如果你系大食嘅朋友，其实自助吧仲有好多其他火锅配料、熟食、甜品等可以自取。我哋就试咗呢期限定嘅关东煮同鲷鱼烧，同样都好高质！
P.S. 我哋今次去到个场都好爆下，但呢到嘅店员服务都系好好，好主动间唔中睇下我哋有咩需要，绝对抵赞！
张贴
