王家沙．花樣年華 (K11 Musea)

营业中

休息中

农历新年就到喇！又系时候同屋企人食团年饭，今年我就拣咗去尖沙咀食上海菜，做节紧系吾可以马马虎虎，所以我就点咗个极尚盛宴四人餐，实行食豪啲。极尚盛宴四人餐云吞鸡炖汤鸡汤呈奶白色，味道浓郁，鸡肉够嫩滑，一人一盅，原汁原味。精选沪式凉菜拼盘拼盘有五款经典沪式前菜，有镇江肴肉、皮蛋豆腐、蒜蓉拍黄瓜、四喜烤麸咸同花雕醉鸡，有齐晒我钟意食嘅前菜，真系好开心！花雕醉鸡一口咬落去已经好香酒味。镇江肴肉晶莹通透，口感又香又滑，吃时蘸少许镇江醋，丰富味道又可平衡油腻感，酸酸甜甜好开胃。四喜烤麸咸中带甜，配料有香菇、云耳、花生等等，口感丰富。皮蛋豆腐面层铺满肉松同皮蛋，下面系一片片嘅滑豆腐。蒜蓉拍黄瓜蒜味香浓，口感爽脆清新。招牌蟹粉小笼包蟹粉小笼包即叫即蒸，味道鲜美，皮薄馅靓，一口咬开汤汁就流晒出黎。鸳鸯河虾仁(清炒/ 黄金）虾仁一半系清炒，一半系黄金，清炒炒得好剔透，入口肉质弹牙，而黄金就好香咸蛋味，咸蛋黄口感幼滑，真系好邪恶，清炒同黄金都各有特色。红烧带骨元蹄猪皮软滑而富弹性，口感肥而不腻， 猪肉肉质松软，店员仲会俾埋刀叉，可以慢慢享用。蟹粉炒年糕上海年糕口感烟韧，蟹粉鲜味极之浓郁，令人不禁一口接一口。