丼瀛 (已結業)

肥鸡喺观塘工业区行完街又要揾嘢食， 今次就试下呢间日式黄店， 因为同行友人好钟意食鱼生， 所以今次就是咗个极尚筑地寿司杯， 呢个组合非常之豪华， 有大大只又厚身嘅刺身带子， 食落鲜甜可口， 肥美嘅甜虾， 三文鱼腩 同埋肥鸡最钟意嘅松叶蟹膏蟹肉， 下面配有少量嘅寿司饭， 呢种组合肥鸡第一次食好得意。 熟食方面肥鸡嗌咗个芒果软壳蟹米纸卷， 软壳蟹冇得输呀香脆可口， 再整多个蒜香牛柳粒， 送饭一流， 黎日式店梗系食下串烧 ， 唔该嗌咗个烧蕃茄五花腩， 香脆可口嘅五花腩配卖爆汁蕃茄，食完呢餐肥鸡系捧住个肚走。