影片
更多
2016-10-06
111 浏览
私房菜我都系食过一至两次，但系第一次嘅经验比我真系觉得有啲私房菜根本就唔系咁好食，我第一间去试嘅私房菜净系讲个炖汤，𠮶啲肉，完全都系未飞水，仲有啲肉嘅潺喺度，令我记忆犹新，所以对私房菜，其实唔系有好大嘅好感。但系今次朋友有推荐呢间私房菜，叫我一定要食，如果唔食讲到好似会后悔咁样，依家谂返转头，其实唔识真系会后悔，哈哈！每个人对私房菜嘅要求，同埋定义都唔同，而我对私房菜嘅要求就起码系一啲我平时出面食唔到嘅嘢，同埋系𠮶个师傅嘅撚手小菜，系要好有信心去做𠮶道料理出嚟。@柚子醋扒吞拿鱼柚子醋系用日本出产的， 本身稀嘅柚子醋，再经煮过淋上一件件切好咗嘅吞拿鱼上面，吞拿鱼嘅四边都略为煎过。味道酸甜，开胃。@青榄雪梨炖猪展有阵时啲汤有冇加到味精，其实真系一饮就知道，完全呃唔到人，呢个汤饮落去就真系冇味精嘅感觉，第一口嘅感觉就系有猪展嘅味道，然之后青榄同埋雪梨嘅味道会慢慢渗出嚟，愈饮愈有味，而且味道鲜甜。@牛油法包伴老虎虾亮点之作！净系睇只老虎虾已经够晒吸引，又大只，又厚身，再讲埋佢嘅质感，佢咬落去超级爽，爽到质感简直有啲似龙虾。而味道就有好重的牛油味，食落味道亦中亦西，非常之有创意。再加埋预先用牛油
但系今次朋友有推荐呢间私房菜，叫我一定要食，如果唔食讲到好似会后悔咁样，依家谂返转头，其实唔识真系会后悔，哈哈！
每个人对私房菜嘅要求，同埋定义都唔同，而我对私房菜嘅要求就起码系一啲我平时出面食唔到嘅嘢，同埋系𠮶个师傅嘅撚手小菜，系要好有信心去做𠮶道料理出嚟。@柚子醋扒吞拿鱼
柚子醋系用日本出产的， 本身稀嘅柚子醋，再经煮过淋上一件件切好咗嘅吞拿鱼上面，吞拿鱼嘅四边都略为煎过。味道酸甜，开胃。@青榄雪梨炖猪展
有阵时啲汤有冇加到味精，其实真系一饮就知道，完全呃唔到人，呢个汤饮落去就真系冇味精嘅感觉，第一口嘅感觉就系有猪展嘅味道，然之后青榄同埋雪梨嘅味道会慢慢渗出嚟，愈饮愈有味，而且味道鲜甜。@牛油法包伴老虎虾
亮点之作！净系睇只老虎虾已经够晒吸引，又大只，又厚身，再讲埋佢嘅质感，佢咬落去超级爽，爽到质感简直有啲似龙虾。而味道就有好重的牛油味，食落味道亦中亦西，非常之有创意。再加埋预先用牛油焗嘅法式面包，再点上牛油的汁。整个配搭极具fusion 创意。最难得系fusion得嚟又好夹。(你话人生如果成日遇到d甘夹嘅人，你话几好！)
@黑松露片彩椒炒日本元贝
碎嘅黑松露真系食得多，一片片嘅都系第一次食，原来一片片食落去𠮶种味道有少少似菌类，但又不失本身的香气。元贝好大粒，肉质好弹牙，虽然经点烹煮，元贝本身嘅鲜味亦保留住，唔会因为经过烹煮而流失。
@兰度炒乳鸽片
炒猪肉片，炒牛肉片甚至炒鸡片就系见惯不怪，乳鸽片真系非常特别。但有意想不到嘅收获，估唔到佢嘅口感有少少似鸡肾，但肉嘅质感嫩滑，亦有乳鸽本身嘅肉味。兰度为美其名，其实系芥兰最幼嫩嘅部份，食落去完全渣的感觉，够唒爽口。
@金榜酱稻庭乌冬
起初都唔知金榜酱系乜嘢嚟，原来金榜酱系一啲类似XO酱再加埋唔同嘅配料炒成，制法极具功夫。而味道有少少似喇沙嘅味道，但系佢来得更加浓，同埋个辣会在进食后慢慢渗出，唔会被辣味盖左原有嘅味道。唔好睇佢每样嘅都好精致，怕会唔够饱，其实食到差唔多三分之二嘅时候已经有7成的满足感。况且呢到嘅食物我可以讲话系重质必重过量。
再提当大家呢一样野，呢度嘅菜式通常都系由厨师推介，如果有兴趣只需要WhatsApp或者打电话话比餐厅知道你大概几多位，厨师就会帮你安排一系列嘅菜式再俾你过目，无问题嘅话呢就按照而出，如果有问题亦可以按照客人嘅需要而改变架。
(因为真心嘅好食，真系好想用几百字来表达拒嘅好，想同你地分享，但奈何小妹文笔未有甘厉害，希望短短呢篇可以令你地心同我受喇，嘻)
张贴
