一粥麵 (樂富廣場A區)

营业中

休息中

下午2点钟行到附近，见呢间嘢睇落环境都几干净就去试吓啦。叫咗个牛腩拼鱼片头捞粗，买完嘢食唔使畀飞，坐喺度等就得。见到出咗个number打算去攞啦，点知去到佢话未有，仲态度恶劣咁话睇number啦，我咪话个number咪出咗啰，佢就话未有呀。但我见到好几个菜已经放咗喺度，似乎放咗好耐。隔离个婆婆都话明明号码出咗，但仲未有得攞。期间见传菜嘅将啲餐系咁飞，汤都漏晒出嚟，好似唔想做咁。等咗至少5分钟终于攞得，最重要都唔系等几耐，系态度差，仲有啲嘢食冻鬼晒！冻鬼晒！冻鬼晒！啲鱼片头直情系冻冰冰嘅，牛腩暖但系韧嘅。食食吓都听到好多人喺度嘈话仲未攞得，啲嘢都冻X晒。总之真系好差，劝大家去之前，谂清谂楚。