香港達人 (新翠商場) (已結業)

今日叫咗个咖喱鸡扒饭，个饭5分钟就已经送到去枱面，我夹起啲鸡扒嘅时候发觉啲鸡扒系生嘅。咁我就叫个服务员过嚟话俾佢知，跟住佢问我想点，然后就话「你谂到就再叫我啦」，跟住即刻走咗去！跟住我再叫另一个服务员话俾佢听啲鸡扒系生嘅，叫佢俾返块熟嘅鸡扒我，佢成兜帮我攞咗入去钉都冇钉到就咁倒返入去兜咖喱汁度再加多少少咖哩汁就俾返我！我唯有就咁食咗啲咖哩汁饭就算！埋完单走出门口嘅时候，我哋已经差唔多离开咗餐厅嘅范围，个收银走出嚟叫住我哋叫我哋返转头，然后就冲番入去餐厅，我以为俾少咗钱就行返转头，行到入餐厅，佢竟然同我讲冇鲩鱼！系咪傻㗎？你面盲唔认得人就一早讲啦，咁唔使等我哋行返转头啦！不知所谓！你呢间餐厅冇心做就唔好霸住个位啦！霸住呢个位几年啲食物质素每况愈下又不停咁加价，呢度系做街坊生意嘅，你做老细嘅见到啲生意额都知有问题啦，都唔注意一下，再霸住个位喺度都系等执㗎咋！