超級自助壽司店

营业中

休息中

本身同男友谂住系德褔食元气，但系男友觉得元气麻麻于是行左去淘大到睇有咩寿司食，见到呢间超级寿司，心谂租咁贵呢间野都可以咁大间而且装修咁简陋，应该系好好食先可以挨得住租，于是入左去食，啲侍应基本上吾会招呼你，只系会逼你坐边坐边咁。。叫左七客三文鱼寿司，一客带子，仲有一客馒鱼之类。。。仲叫左个猪软骨煲 。。一来啲寿司真系好难食，而且份量九成系饭，啲饭大件到爆就算，三文鱼仲劲薄，目测只有0.1mm 而且饭好散，一啲都吾似寿司饭，似平时屋企煲完饭自己加醋自制only,而且三文鱼系无味架！仲衰过争鲜，争鲜先三蚊一件，感觉好似食梗七褔神寿司咁，一百元放题个种。。。唉。。我都算。发现中招，点知个饭黎个时仲离谱！就系一个煲仔饭上面放猪软骨，份量超少只有平时茶记小菜煲咁大！但就要80 一个饭！仲细过一哥焗猪排饭！最衰冇映相！我都好少写食评，最后埋单仲有三百大元 只系食左好多饭，同少少薄肉，唉！希望大家吾好中招！点解呢间野挨到贵租！原因就系 "羊毛出自羊身上"收你正常价钱但俾极差质素你！