嗦爸螺螄粉

营业中

休息中

先讲环境店铺卫生情况极差，有好多乌蝇有好多蚊，张枱、坐嘅凳、餐牌等等，全部都系痴粒粒嘅。食物方面个汤已经唔好味，都算，配料似系浸落去多过煮熟，硬骨骨，面质都好差，好似未熟咁，成碗粉比我嘅感觉就系好似食紧𠮶啲预制食物咁，一包包Pack好晒落滚水倒开俾你食。串烧全部嘢一样味，又甜又咸，肉质极度不新鲜，口感味道都似系放咗好耐坏坏哋或者就嚟变坏嘅肉咁，我完全接受唔到，食一啖我就摞返出嚟。唯一系炸馒头🤡叫做正正常常食得落肚。（我净系影咗串烧相）价钱方面各位自己喺度睇相睇到餐牌都知，绝对唔系咩平民价，但系讲真咁嘅质素，收呢个价钱会唔会太过分？总结我都系睇完食评去食，伏到摊摊腰，唔希望再有人中伏。食完完全唔明点解啲人话好食，但系睇返餐厅有牌写明，写好评有优惠😵即刻明晒Btw唔知关唔关事但写埋先，朋友食完之后第二日肠胃炎，但我自己就冇嘢嘅。