紅島冰廳

营业中

休息中

前身位置系红茶冰室，后来变成红岛，前后两间都食过，餐牌及食物质素几乎一样，但侍应阿姐就越嚟越差，今日简直系气顶！头顶大叶风扇不断吹，劲冻，叫阿姐熄一熄风扇，话焗，叫我地自己揾过个位，但又无位，后嚟揾第二个带乡音后生女侍应帮手熄风扇，就话唔开风扇地下会湿。其实理由已经唔重要，只系佢哋唔想熄啫。想投诉，乡音女侍应就话自己系经理，系呢度最大嘅，同佢讲就可以。揾鬼信你系经理？得，旺角大把好嘢食，一定要食你呢间？以后都唔会再帮衬！咁嘅服务态度，难怪香港侍应声誉冲出国际，连新加坡都要抽水闹埋一份，香港多得你地唔少，无生意唔好怪人，不过红岛又的确唔忧做。