樸生•素食 (已結業)

今日一行7人（三大四细），食物一般，唔觉得特别好食，但十几个员工冇一个有笑容，零礼貌，尤其2位高级员工都系，未试过感觉咁差😡入座前已经知只得1.5小时，咁冇问题，大部分餐厅繁忙时间系咁，所以我地食完咪即点甜品食啰，高级哥仔落单，但我成枱野食食完冇帮我执枱，15分钟之后我自己再叫人执枱，然后追返个雪糕甜品（揾反同一个落单嘅高级哥仔），佢见我追佢，只系响我隔离一路行去第二张枱一路答我一句：「整紧」，我地三个大人即刻O咀，感觉极差！之后再过10分钟我追另一位员工，佢就叫我等等check下先，但3分钟唔够另一位高级亚姐好冇礼貌咁同我讲：「你地用餐时间过咗1.5钟㖞，要还枱」我即刻同佢讲，我追咗你地个甜品几次，仲未黎㖞！之后位亚姐即刻𨍭身走咗去门口，由于我太嬲，所以我即刻同个员工讲，我取消个甜品，埋单，2位亚哥亚姐一副懒理态度，绝对冇觉得唔好意思😡😡😡*高级亚哥亚姐著住绿色外套，同其他员工唔同*