茶禪 (已結業)

今晚试下哩间同在登打士广场的茶禅，哩到特别在大部份食物都是素食。走入店内第一个感觉就是黑麻麻，好似冇钱交电费咁，个人嚟讲好怕阴暗嘅食店，因为感觉好似随时都会有曱甴出现咁 ～＿～“不过见坐低时冇乜人就试下啦，落单时个阿姐已经不停咁讲如果唔系叫精选晚餐叫其他嘢食就要等好耐先到，咁我地已经多次回答冇问题可以等。但系我地继续讲一啲散叫嘅食物时，个阿姐又再讲多次，好似想我地唔好散叫嘢食咁......仲要点嘢食讲到一半，个阿姐无端端走开咗，完全系当我地无到... 如果唔系等紧朋友，真系想即时走，最唔钟意啲侍应系咁嘅地方!!!!等食物等咗一阵，见到有另一份男侍应上班。哩个男侍应嘅态度比其余两位阿姐更差，全晚就系见到佢不停咁对另外两位阿姐发脾气，对住所有食客都黑口黑面，搞到个气氛令人好唔Enjoy.跟友人边食边聊天，但系其他食客实在嘈到有啲过份，仲衰过喺街市，店员又唔理。真系请我都唔会再嚟哩到......虽然店员同环境都极度差，但系唔可以否认食物系唔错嘅