影片
更多
2008-02-21
130 浏览
寻晚去食饭,真系食到一肚气!叫个阿姐落order,分别要左咸肉、叉烧肠粉、自选汤粉、汽水。先讲自选汤粉,个餐牌写「面或米粉二肉一菜$22」，然后下面分开肉一栏菜一栏，系肉果度写「任选一款」，系菜果栏又系写「任选一款」，咁咪即系一肉一菜？由于系咁，我问阿姐，系选一个肉定两个肉，佢竟然用好差既态度答我：「写到明两肉一菜架嘛！梗系呢度两个，呢度一个啦！」明明系佢自己写得唔清唔楚，仲要走黎话我，而且个态度差到好似话紧我唔岩咁！其次，叫饮品时，问阿姐，有无健怡可乐，佢唔知，要走去问厨房，结果系无；再问有无无糖可乐，唔知，又问，又无；咁都合理。于是我地话要忌廉，因为餐牌有一项系忌廉，同可乐分开既，咁即系肯定有啦，但个阿姐竟然答：「唔知有无，问下先！」结果当然系有啦！但系叫个汽水搞咁耐，又乜都唔知，点做落单呢？更甚者，讲咸肉、叉烧肠粉、汽水，我地见到餐牌上个价钱分别系$8、$8、$5，点知佢落单时写$9、$9、$7，我地出声，个阿姐唔知头唔知路，问一个厨房阿哥，个阿哥竟然话：「果个有英文既餐牌唔系架！中文果个先系真！」下？咁都得？跟住我地对比两个餐牌，真系发现价钱唔同！然后个阿姐又好手快咁抢走左个有
叫个阿姐落order,分别要左咸肉、叉烧肠粉、自选汤粉、汽水。
先讲自选汤粉,个餐牌写「面或米粉二肉一菜$22」，然后下面分开肉一栏菜一栏，系肉果度写「任选一款」，系菜果栏又系写「任选一款」，咁咪即系一肉一菜？由于系咁，我问阿姐，系选一个肉定两个肉，佢竟然用好差既态度答我：「写到明两肉一菜架嘛！梗系呢度两个，呢度一个啦！」明明系佢自己写得唔清唔楚，仲要走黎话我，而且个态度差到好似话紧我唔岩咁！
其次，叫饮品时，问阿姐，有无健怡可乐，佢唔知，要走去问厨房，结果系无；再问有无无糖可乐，唔知，又问，又无；咁都合理。于是我地话要忌廉，因为餐牌有一项系忌廉，同可乐分开既，咁即系肯定有啦，但个阿姐竟然答：「唔知有无，问下先！」结果当然系有啦！但系叫个汽水搞咁耐，又乜都唔知，点做落单呢？
更甚者，讲咸肉、叉烧肠粉、汽水，我地见到餐牌上个价钱分别系$8、$8、$5，点知佢落单时写$9、$9、$7，我地出声，个阿姐唔知头唔知路，问一个厨房阿哥，个阿哥竟然话：「果个有英文既餐牌唔系架！中文果个先系真！」下？咁都得？跟住我地对比两个餐牌，真系发现价钱唔同！然后个阿姐又好手快咁抢走左个有英文既餐牌，收埋左，一直无再拿过出黎！
我地讲左句：早知系咁就唔要汽水啦！咁之嘛，跟住佢地就无上任何食品黎，我地等左一阵，个阿姐竟然话：「咁仲要唔要咸肉、叉烧肠粉果的呀？」我地话要，佢先整番俾我地，激死！
然后讲食物质素，咸肉同叉烧肠粉都好普通，唔系特别好味，叉烧又少，但系最唔掂系个粉！一上黎，个碗里面的粉同送系大兜乱，好似俾人摷过晒咁，好核突，然而仲要俾错送！我地点左炸鱼片，佢俾左食粥果的鱼片，我地叫佢换，佢竟然唔愿意，唔理我地，我地再三叫，佢先至肯换，仲要等左好耐！
总之，食到一肚气，一定一定唔会再帮衬！！！！！
(以前去太子果间，明明好好，唔系咁，唔知解呢间会咁！)
张贴