影片
更多
2022-09-05
144 浏览
警世，千其千其唔好去食，中大大大伏！今日，我和同事叫了三碗外卖自取，我𠮶碗系蕃茄麻辣米线加($12)牛柏叶、($9)厚海带、($18)卤肥肠，嗌外卖时老板娘话冇米线，转咗（12条）宽粉。话等15分钟，点知等咗25分钟。点知攞到返嚟一打开，我以为我𠮶碗俾人食过，份量劲少，张图系我打开盖之后未食就影：1. 毕出来嘅牛柏叶，$12嘅牛栢叶变牛栢叶丝，少得可怜，好似人地咬净加好考刀功啰切咁少条，喺香港未试过俾人咁样呃钱；2. 蕃茄汤底变咗牛骨汤底，冇心跟单整；3. 厚海带呢？成碗一条都冇！漏单！4. 肥肠呢？$18嘅肥肠得四块，又系细旧到不得了！5. 真心，成碗都唔好食！好似食紧厨余！于是，我放工去呢间铺头问佢，一个带有内地口音嘅老板娘埋紧数，好唔礼貌咁回应我：牛栢叶煮咗就会缩。我话：咁你缩到成条丝咁，系咪违反餐单商品说明呀？你应该写牛栢叶丝，同埋份量少到边个会用$12去加呀？过程虽然佢肯俾返漏单嘅海带钱，但语气非常不客气，好心佢做街坊生意就唔好咁「漏单、呃秤」啦，重点又唔系好食㖞！论质素、服务、性价比，绝对系西环最唔值得去的小店。除非你想俾$55食「少少少宽粉同幼到头发咁嘅牛栢叶加难食肥肠」
警世，千其千其唔好去食，中大大大伏！今日，我和同事叫了三碗外卖自取，我𠮶碗系蕃茄麻辣米线加($12)牛柏叶、($9)厚海带、($18)卤肥肠，
嗌外卖时老板娘话冇米线，转咗（12条）宽粉。话等15分钟，点知等咗25分钟。
点知攞到返嚟一打开，我以为我𠮶碗俾人食过，份量劲少，张图系我打开盖之后未食就影：
1. 毕出来嘅牛柏叶，$12嘅牛栢叶变牛栢叶丝，少得可怜，好似人地咬净加好考刀功啰切咁少条，喺香港未试过俾人咁样呃钱；
2. 蕃茄汤底变咗牛骨汤底，冇心跟单整；
3. 厚海带呢？成碗一条都冇！漏单！
4. 肥肠呢？$18嘅肥肠得四块，又系细旧到不得了！
5. 真心，成碗都唔好食！好似食紧厨余！
于是，我放工去呢间铺头问佢，一个带有内地口音嘅老板娘埋紧数，好唔礼貌咁回应我：牛栢叶煮咗就会缩。我话：咁你缩到成条丝咁，系咪违反餐单商品说明呀？你应该写牛栢叶丝，同埋份量少到边个会用$12去加呀？
过程虽然佢肯俾返漏单嘅海带钱，但语气非常不客气，好心佢做街坊生意就唔好咁「漏单、呃秤」啦，重点又唔系好食㖞！
论质素、服务、性价比，绝对系西环最唔值得去的小店。除非你想俾$55食「少少少宽粉同幼到头发咁嘅牛栢叶加难食肥肠」啦！
牛栢叶海带肠肠麻辣宽粉
$55
19 浏览
0 赞好
0 留言
张贴
