J & V Mini Kitchen

营业中

休息中

第二次同老公去呢间店，第一次lunch，果次食物味道唔错，于是今日试吓食早餐，order 咗两份早餐，其中餐蛋通食到三分二嘅时候，竟然发现有小昆虫，于是向唯一女侍应报告，佢表示只系蚊滋，问我哋要唔要过另外一碗，冇道歉，咁有昆虫当然冇晒胃口，于是话唔需要。埋单嘅时候，唯一女侍应仍然冇道歉，照收两份餐嘅价钱，于是我用平静语气问佢会唔会考虑取消收其中一个餐，佢虽然答得，但面口奇差，老公睇唔过眼话佢咁嘅态度我哋报食环，呢个女侍应竟然拍枱大闹，话只系蚊滋，我哋为咗咁去乞份餐，嘈到厨师都出嚟，不过厨师只系想叫女侍应冷静，唔觉得对我哋有歉意。其实由发现有昆虫到问佢会唔会取消收一份餐嘅钱，我哋都保持平静，压低声调，唔想骚扰其他食客同息事宁人，但侍应态度差劣，唔道歉，重要指控我哋乞食，咁嘅态度，真系唔应该做服务业。虽然最后只收一份餐嘅钱，但呢间店已入我黑名单，唔会再去。