薈軒 (已結業)

星期五到荟茶，坐低开完茶。等了十几分钟，叫咗四个阿姐，都攞唔到点心纸。。。因为食午饭赶时间，一张单连甜品落埋，于1320落单。五分钟，第一味上的菜是甜品。。。算，我对于食嘢先后次序都无乜所谓，而且自己一张单过落单，唔怪得佢。之后等左成廿分钟先上另三样点心，已1345，俾我哋五分钟食晒。之后一路等到1355，最后两样都未到，即剧揾个部长来催。话一样整紧，另一样漏左单，问我仲要唔要。我哋谂住再等多一阵，要埋啦。等多十分钟，来左一样，另一样未到。食完已1410，再催。到1420，仲未到，叫个部长来，check单。佢第一句就会话漏单。我话张电脑单1320落左单，中间催左三次，依家先话漏？！之后佢话因为厨房个蒸炉坏左，所以漏单，仲话我点解唔早啲催。。。我寸佢话已催了三次，落左单共七十分钟，你依家先俾个咁嘅借口我？佢就发老皮，一句话问我咁你依家要唔要？唔要可以埋单走。。。完。真系好劳气，又唔系平，啲态度仲要咁。