影片
更多
2021-12-27
568 浏览
.《时新汉堡饱》Chill Fat推介：🌕🌕🌑🌑🌑（5🌕最高）我好少写伏Post，但系今次忍唔住！上星期同友人经过黄埔就谂起时新搬咗嚟呢度附近，所以心思思想试下，睇吓同以前有咩分别，点知就系回忆幻灭嘅开始….一入到餐厅感觉已经吾系太好，个地下有啲痴笠笠，成间餐厅入面充斥着好大阵油耗味，油烟控制麻麻地…双层芝士蛋汉堡 $39汉堡包入边嘅食材应该全部都煎定先包括块汉堡扒，因为全部嘢食唔使两分钟就到咗我手，食落去入边唔系太热同埋根本冇肉汁，连块芝士都唔识溶，同以前舖头好大出入…炸鸡全翼 $28同样情况炸定先，鸡全翼返咋又唔夹好啲又整到成个点都系油浸于只鸡翼，调味偏咸，真心麻麻..炸薯条 $24真心吾热，你做得快餐店，炸定绝对无问题，你点样去保温先系问题，食咗几条就冇食…总结：好似浪费左成嚿水同我个胃咁，我接受旧舖搬新铺因为成本问题而加价，但系可唔可以将啲食物质素保持住话晒都叫本土汉堡包始创者，旧铺即使几迫几细都好，起码出品都叫新鲜热辣，加油啦！
《时新汉堡饱》
Chill Fat推介：🌕🌕🌑🌑🌑（5🌕最高）
我好少写伏Post，但系今次忍唔住！上星期同友人经过黄埔就谂起时新搬咗嚟呢度附近，所以心思思想试下，睇吓同以前有咩分别，点知就系回忆幻灭嘅开始….
一入到餐厅感觉已经吾系太好，个地下有啲痴笠笠，成间餐厅入面充斥着好大阵油耗味，油烟控制麻麻地…
双层芝士蛋汉堡 $39
汉堡包入边嘅食材应该全部都煎定先包括块汉堡扒，因为全部嘢食唔使两分钟就到咗我手，食落去入边唔系太热同埋根本冇肉汁，连块芝士都唔识溶，同以前舖头好大出入…
炸鸡全翼 $28
同样情况炸定先，鸡全翼返咋又唔夹好啲又整到成个点都系油浸于只鸡翼，调味偏咸，真心麻麻..
炸薯条 $24
真心吾热，你做得快餐店，炸定绝对无问题，你点样去保温先系问题，食咗几条就冇食…
总结：好似浪费左成嚿水同我个胃咁，我接受旧舖搬新铺因为成本问题而加价，但系可唔可以将啲食物质素保持住话晒都叫本土汉堡包始创者，旧铺即使几迫几细都好，起码出品都叫新鲜热辣，加油啦！
22 浏览
0 赞好
0 留言
15 浏览
0 赞好
0 留言
24 浏览
0 赞好
0 留言
张贴
