鮮芋仙 (荃新天地)

营业中

休息中

本身都有帮衬开鲜芋鲜几次， 饮开香芋鲜奶，都几好饮。寻日打算特意再去帮衬，一去到见到排队好长，排左一阵好彩有职员走过黎示意外卖拎走可以排左手边既队，条队短好多。但此安排未见有任何指示牌，要靠职员见到提醒先知。我排到好前， 本身以为好快落单。 点知原来收银员得一个人，她同时兼顾堂食同外卖落单。 本身以为到我啦 ， 收银员叫我等，话而家帮堂食落单先。其实唔知以咩根据 一时落堂食单既队 一时又落外卖单既队。 堂食仲惨，基本上条队冇乜点郁过tim。终排到我啦，但又要等，等收银员痴上一落单饮品甜品label, 她又有时兼顾安排入坐，顾客完全系到等。我系叫外卖既，企系到等，见到唔少状况。见到有人买堂食落单先发觉冇位入座；有人买咗外卖但冇出收据 冇外卖号码，见到佢同职员讲但职员冇积极处理。总之点餐安排非常非常混乱！到我杯野饮到左啦， 一饮伏！杯奶茶一拎上手常温，唔冻既！似沟稀左既味道，里面嘅配料完全冇味道。好难饮，觉得好失望！成个买嘢饮嘅服务 到味道 感受都好差。希望鲜芋仙可以改进，相信有唔少人有相同嘅体会！ 系人手安排绝对系可以做得更好，或者有一个人去控制成个流程。