巴蜀烤全魚 (已搬遷) 新店位置

因为见到开饭有好多好嘅食评，缺定试下，可惜无论系食物质诉定服务都极度失望。一去到叫野食，落咗单之后先见到原来可以加配料，咁就问个哥哥可唔可以加粟米，点知换嚟好晦气咁话，「下次加野早讲丫嘛」。其实我都系问下嗟，如果唔得你咪话唔得啰，唔需要咁晦气！ 一睇到条抹台布，而心知不妙，条布重污蹧过我屋企条地布，令我好怀疑佢嘅卫生。到啲食物嚟咗，我叫咗鱼腩米先，但汤淡而无味，鱼无鱼味，极之失望，重差过自己屋企整个啲。到食到一半，个侍应走嚟话叫我地换台，咁我地表示唔愿意换台，而同台嘅另一对夫妇亦表示唔愿意。但个侍应就原全唔理，继续吟吟寻寻咁叫我地换台。其实如果佢态度好啲，我都无所谓，但佢嘅态度令我觉得我无必要让佢，我都系消费者嗟。而且我地四个人都表示咗唔想换台，您点可以咁样迫人。虽然食几十蚊碗米线唔系话想有咩服务，但最起码唔系晦晦气气，同系都要迫人换台啰。真系未试过食到成肚气，你话啲野好好食都话丫，最参系啲野有难食，啲服务又差先得人惊，绝对绝对唔会有下次！