Maison Gaia

营业中

休息中

见到咁多好评，决定系爸爸妈妈生日时试一试。点知中伏。提前几日念住问下menu即问题同埋confirm下可以帮手写下生日祝福，个电话系营业时间系绝对无人听。系食饭当日下午有人用私人电话打来confirm booking，已经觉得奇怪，去到先明白，原来成个场得一个侍应哥哥。佢忙到踢晒脚，serve几十个人，边得闲听电话？去到见到张台细到二人台咁，我地六个人已经o晒嘴，面积啱啱好摆到几张食头盘既圆碟。过下已经好唔开心。生日念住食好D叫佢个斧头扒，点知被告知需要提前两日预订。。。我忍唔住话真系打唔通个电话预订哦😮‍💨最后只好求其order几个餐，本来念住开只酒都作罢，已经感觉伏。最后D牛扒上到来全部系唔热既，但已经好熟，唔敢再加热过，所以只好忍住成肚气吞做个冻扒落肚。去到食甜品时，有只好大只乌蝇停系度已经无晒胃口。侍应哥哥可能完全感觉到我地既失望，送左几杯咖啡，但直至埋单都等唔到有生日祝福既甜品，大家都好唔开心。生日搞到咁真系第一次。