影片
更多
2024-01-07
215 浏览
唔经唔觉都已经帮衬咗五年，都叫做半个熟客到门口嘅时候已经发现长颈鹿唔见咗，换咗做海鲜柜（但冇海鲜）但系我同男朋友都好钟意食呢间嘅生蚝，所以冇谂咁多就入咗去入到去得我哋一枱客，有个生面口嘅阿姐嚟service我哋见冇乜人我都主动问下阿姐呢度系咪转咗手，阿姐话唔系，不过楼上会转型做打边炉menu有少少唔同咗，谂住叫返几只生蚝开心吓先，点知阿姐话冇生蚝，要听日先返货，叫我哋听日再嚟食生蚝🥲咁都算啦，有时冇货佢哋都唔想，我就照旧叫返食开嘅羊架五成熟再加个餐汤，冻柠茶落完单阿姐就走咗入厨房帮手餐汤系正常南瓜汤，不过唔系食开嘅味同埋偏酸等咗阵羊架都上枱，跟咗少少沙律跟黑醋同埋薯角羊架一切开已经唔系好对路，叫咗五成熟但系似系一成熟，咁就叫返阿姐嚟搞搞佢再上枱之后羊架就ok返，但系沙律就突然帮我混咗酱加咗芝麻酱😰 就嚟食完冻柠茶都未上，催完先上~点知呢杯冻柠茶简直系令我毕生难忘！难饮！好难饮，啲柠檬好似有啲怪味同埋好鬼甜🤢嬲嬲哋饮咗两啖就放弃埋单𠮶时忍唔住再问阿姐系咪仲会继续做西餐，佢先坦白话其实都会转做中餐，今日都冇厨师所以佢就做埋是日大厨😵唔明白点解咁冇准备都会开门做生意，冇生蚝都算，另一枱客叫牛
到门口嘅时候已经发现长颈鹿唔见咗，换咗做海鲜柜（但冇海鲜）
但系我同男朋友都好钟意食呢间嘅生蚝，所以冇谂咁多就入咗去
入到去得我哋一枱客，有个生面口嘅阿姐嚟service我哋
见冇乜人我都主动问下阿姐呢度系咪转咗手，阿姐话唔系，不过楼上会转型做打边炉
menu有少少唔同咗，谂住叫返几只生蚝开心吓先，点知阿姐话冇生蚝，要听日先返货，叫我哋听日再嚟食生蚝🥲
咁都算啦，有时冇货佢哋都唔想，我就照旧叫返食开嘅羊架五成熟再加个餐汤，冻柠茶
落完单阿姐就走咗入厨房帮手
餐汤系正常南瓜汤，不过唔系食开嘅味同埋偏酸
等咗阵羊架都上枱，跟咗少少沙律跟黑醋同埋薯角
羊架一切开已经唔系好对路，叫咗五成熟但系似系一成熟，咁就叫返阿姐嚟搞搞佢
再上枱之后羊架就ok返，但系沙律就突然帮我混咗酱加咗芝麻酱😰
就嚟食完冻柠茶都未上，催完先上~
点知呢杯冻柠茶简直系令我毕生难忘！难饮！好难饮，啲柠檬好似有啲怪味同埋好鬼甜🤢嬲嬲哋饮咗两啖就放弃
埋单𠮶时忍唔住再问阿姐系咪仲会继续做西餐，佢先坦白话其实都会转做中餐，今日都冇厨师所以佢就做埋是日大厨😵
唔明白点解咁冇准备都会开门做生意，冇生蚝都算，另一枱客叫牛扒又冇，连厨师都冇？？
计返一个餐加埋一都差唔多三百几蚊，呢个价钱我真系有大把选择
食咗咁多年都有啲感情，但系食埋今次真系冇下次😢
张贴