影片
更多
2024-04-14
3070 浏览
外国亲戚返香港，全家十几人好期待再去生记食饭，因为疫情前佢哋返嚟香港食咗一次，非常难忘。但系今次餐饭真系令人非常失望。唔知系咪搬咗新铺之后换咗厨师呢，每样𩠌菜都冇以前咁好食。全家最期待嘅猪润系最失望，非常鞋，同以前非常滑嘅质感好唔同，而且刀工差咗好多，好大旧，完全唔合理嘅size，而呢碟猪润浸波菜，原本系最下栏嘅食材，埋单竟然加一后超过$400蚊。碟蜜汁叉烧放低得8件，要多碟先够食，结果16旧叉烧盛惠$376加一，个价钱真系5星酒店级数，但味道绝对唔系𠮶个质数。其实我哋最嬲系，外国亲戚嘅小朋友有花生敏感，点菜之前再三问侍应有冇用花生油，同有啲乜嘢𩠌菜系有花生，侍应不停话冇，点菜时我都要求佢帮我哋入厨房问厨师确认，再三重新小朋友好严重嘅。点知第一碟𩠌系叉烧，小朋友摆咗一旧入口即刻发作。经理埋嚟都一路话冇花生，后来收钱时仲坚持话问过叉烧师傅都话冇。咁我哋都冇嘢好讲，都好疑惑点解食完叉烧会花生敏感发作？后来问从事中式餐厅嘅朋友，原来香港酒楼同餐厅一般系用花生酱腌叉烧嘅，好明显侍应根本冇帮我哋问厨师，又或者根本都冇人认真看待对食物敏感嘅严重性。好彩小朋友当场呕晒出嚟，食药休息之后冇事。大家都对
但系今次餐饭真系令人非常失望。唔知系咪搬咗新铺之后换咗厨师呢，每样𩠌菜都冇以前咁好食。全家最期待嘅猪润系最失望，非常鞋，同以前非常滑嘅质感好唔同，而且刀工差咗好多，好大旧，完全唔合理嘅size，而呢碟猪润浸波菜，原本系最下栏嘅食材，埋单竟然加一后超过$400蚊。
碟蜜汁叉烧放低得8件，要多碟先够食，结果16旧叉烧盛惠$376加一，个价钱真系5星酒店级数，但味道绝对唔系𠮶个质数。
其实我哋最嬲系，外国亲戚嘅小朋友有花生敏感，点菜之前再三问侍应有冇用花生油，同有啲乜嘢𩠌菜系有花生，侍应不停话冇，点菜时我都要求佢帮我哋入厨房问厨师确认，再三重新小朋友好严重嘅。点知第一碟𩠌系叉烧，小朋友摆咗一旧入口即刻发作。经理埋嚟都一路话冇花生，后来收钱时仲坚持话问过叉烧师傅都话冇。咁我哋都冇嘢好讲，都好疑惑点解食完叉烧会花生敏感发作？
后来问从事中式餐厅嘅朋友，原来香港酒楼同餐厅一般系用花生酱腌叉烧嘅，好明显侍应根本冇帮我哋问厨师，又或者根本都冇人认真看待对食物敏感嘅严重性。好彩小朋友当场呕晒出嚟，食药休息之后冇事。
大家都对呢间以前好钟意嘅餐厅好失望，自从搬咗新舖食物质素下降，但系价钱就贵咗，加上食物敏感呢件事，绝对无下次。
张贴
