孖沙茶餐廳 (已結業)

上环~基本上每个星期我都会去两三次，而孖沙茶餐厅我亦曾经路过呢间小店嘅门口好多次，不过每次喺午饭嘅时间，我都因为睇到孖沙门口𠮶条不死嘅人龙而令我却步，但今日终于都有幸入嚟一试，因为系下午茶时间，比较冇咁多人，我目测所见，呢度就系地方比较细，有4张大圆枱同门口两张嘅小方枱，基本上可以容纳大概廿几人同时用餐，呢度虽然麻雀虽少，但五脏俱全，真系乜嘢餐都有，原本嚟呢度想试三眼仔饭，但深知系下午茶时间，根本冇可能食到，唯有明天请早，我叫咗个孖沙餐A~沙嗲牛肉炒意粉+冻奶茶，total：$28蚊，碟意粉嚟到枱，真系闻到好香嘅沙嗲味，未食都已经觉得好吸引，虽然牛肉同意粉嘅份量系比较少，但真系好好味，意粉食落好juicy，牛肉软淋有牛味，再加埋杯冻奶茶真系冇得顶，奶茶~茶味够，奶嘅份量恰到好处，最重要系够冻，甜度适中，合格！(注：三眼仔饭嘅供应时间系每日嘅中午11:00点-下午嘅2:00点，但我个人认为，如果真系要嚟呢度食三眼仔饭嘅话，最好都系中午11:00点左右嚟食就最好，因为再晏d接近中午嘅时间就会开始出现人龙，人潮直扑埋嚟，令到用餐气氛相当紧张，另外一提~孖沙每日一到下午3:30分，所有厨房炒粉