南小館 (青衣城2) (已結業)

不知所谓既餐厅。不知道为什么屋企人会想食呢间嘢。今日第二次黎。一向态度都系好差，试过屋企人门口问下嘢，后面完全无人排队，个门口侍应「入唔入架你」。有无必要呀，争你钱咩。今日仲正。点左个酸菜鱼。自问系酸菜鱼爱好者，去边间餐厅有都会点黎试下。但我系从来未试过系个酸菜鱼上面见到有泡。我之前只系屋企臭左个煲汤到见过呢啲泡。闻落个汤臭既。叫其他人闻，都闻到臭。问侍应，坚持话系呢个味。算，费事讨论，我退左佢。个侍应话一向都系咁，我话我上次食唔系，佢话系咪好耐之前，最近转左汤。讲真，酸菜鱼系咩味，食开都知，你可以转成点。我话「最近先食过。唔重要你退左佢」，佢话「退咪退啰，唔使讲咁多」。大姐，我叫你退，你要拗，拗完叫人唔好讲野，你系咪有问题？你系咪以为我系你啲同事。就算你系老板，话晒都系客，咩态度。激气到相都唔记得影。睇住个我宁愿掉都唔放入口既薯粉先。食物完全唔好食，无论服务同食物仲衰过好多茶记，偏偏又唔系平。完全唔明白佢存在既必要。