影片
更多
2024-11-05
806 浏览
上个月同朋友去食生日饭，无谂过成餐饭嘅体验会咁差🥲当晚我哋walk in去食dinner，入座嘅时候餐厅只系半满状态。我哋各自叫咗一个set，另外再要咗一份甜品，同咗位后生嘅员工讲蛋糕想食完正餐之后先上。我哋食完饭再倾咗阵计就同返啱啱位后生嘅员工讲可以上蛋糕了，当时时间由入座起计大概过咗1个钟。过咗15分钟左右，蛋糕依然未上。有位auntie年纪嘅员工突然走过嚟，直接收走枱面啲餐具，语气唔友善咁讲：「你哋系咪食完？我哋有限用餐时间。」当下觉得好愕然，同佢讲返唔知道有限用餐时间呢件事。佢就净系一副无歉意净想赶人走嘅态度话：「哦，咁可能一开始唔记得讲，我哋到系食90分钟㗎啫！够钟就要走。」同佢讲我哋仲有蛋糕未食，佢就get错意思系我哋自己外带咗个蛋糕，即刻话要收我哋切饼费。𠮶阵已经少嬲咁同佢讲系叫咗呢到嘅蛋糕但一直未上啊🙃过咗阵佢就拎咗件蛋糕嚟，上枱𠮶下讲咗句：「你哋仲净返5分钟。」跟住就企系隔离一边同吧枱嘅员工倾计一边望住我哋食🤷🏻♀️当下嬲到连相都唔想影，想闹人但因为系朋友生日饭唔想搞到场面咁难睇就谂住快快手食完就走。位auntie员工到最尾都「好尽责」，系我哋食完蛋糕放低叉𠮶阵就即刻
当晚我哋walk in去食dinner，入座嘅时候餐厅只系半满状态。
我哋各自叫咗一个set，另外再要咗一份甜品，同咗位后生嘅员工讲蛋糕想食完正餐之后先上。
我哋食完饭再倾咗阵计就同返啱啱位后生嘅员工讲可以上蛋糕了，当时时间由入座起计大概过咗1个钟。
过咗15分钟左右，蛋糕依然未上。
有位auntie年纪嘅员工突然走过嚟，直接收走枱面啲餐具，语气唔友善咁讲：「你哋系咪食完？我哋有限用餐时间。」
当下觉得好愕然，同佢讲返唔知道有限用餐时间呢件事。
佢就净系一副无歉意净想赶人走嘅态度话：「哦，咁可能一开始唔记得讲，我哋到系食90分钟㗎啫！够钟就要走。」
同佢讲我哋仲有蛋糕未食，佢就get错意思系我哋自己外带咗个蛋糕，即刻话要收我哋切饼费。
𠮶阵已经少嬲咁同佢讲系叫咗呢到嘅蛋糕但一直未上啊🙃
过咗阵佢就拎咗件蛋糕嚟，上枱𠮶下讲咗句：「你哋仲净返5分钟。」跟住就企系隔离一边同吧枱嘅员工倾计一边望住我哋食🤷🏻♀️
当下嬲到连相都唔想影，想闹人但因为系朋友生日饭唔想搞到场面咁难睇就谂住快快手食完就走。
位auntie员工到最尾都「好尽责」，系我哋食完蛋糕放低叉𠮶阵就即刻过嚟chur卖单请我哋离开🤷🏻♀️
系写review嘅时候先发现原来之前已经有好多人有差唔多嘅体验，劣评都系因为员工态度问题，尤其系位auntie员工已经劣迹斑斑😊
只可以讲，就算食物质素唔错，但服务态度咁恶劣一定唔会再有回头客，强烈唔建议大家去帮衬！
张贴