吉豚屋吉列豬扒專門店

营业中

休息中

又系一直想写，而又一直冇时间再去帮衬。平时食日本嘢，除咗刺身外，最吸引我嘅就系猪扒丼。可惜香港要食靓嘅丼并唔系讲咁易，就算揾到呀，价钱都唔会点平。而我食开呢间就集齐平靓（即好味）正于一身，但另一个问题就嚟喇，食饭时间条龙系超长。咁点？唔好食饭时间去食啰。我通常嘅帮衬时间系4-6点，一枝公，贪佢快有位。我最爱呢度嘅滑蛋猪扒饭，有分size，以我嘅食量，拣梅就刚刚好。至于咩叫梅呢，系代表猪扒嘅份量，梅一件80克、竹一件110克、松两件80克咁解。而我爱呢度猪扒嘅其中一个原因系，松化、肥瘦均匀，再配上滑蛋同香喷喷嘅洋葱，更加上$50就食到，你话系几咁乎复何求呢！