嘉寶漢堡 (已搬遷) 新店位置

平价汉堡，一个餐一旧水有找，我食黑松露芝士牛堡，牛肉好juicy，黑松露味好重！见到个close up睇到好多黑色一点点嘅野就系黑松露。同我一样钟意黑松露嘅你系必试。另外一个系香辣烟肉蘑菇芝士牛堡。呢个冇乜大特别，牛肉有肉汁，辣辣地好惹味！我地加左钱转餐，配菜系炸烧卖同蕃薯条。炸烧卖我第一次食。其实只系炸鱼肉烧卖，但呢个食法真系好特别，上面加左一层芝士极邪恶。橙橙红红地颜色系蕃薯条，超好食，蕃薯本身甜，再加啲盐，非常好食，极度推荐。嘉宝汉堡细细间，入面有得堂食，不过座位好少，等位需要好多耐性。总结系非常出色嘅小店，足料非常有诚意，绝对唔输俾啲大牌子嘅汉堡包店。咁嘅价钱有呢个质素，冇得输，呢间绝对系平价之选。