加太賀

营业中

休息中

叫咗碟刺身，厨师以非常残忍及唔人道既方式，用凌迟既方法宰杀条鱼，活生生咁一刀刀将佢下半身啲鱼肉切落嚟。条鱼上枱时仲呼吸紧，鱼鳍仲郁紧，并以剩余既半身痛苦挣扎中。在场嘅朋友都感到非常唔舒服，并向侍应反映意见，要求将佢拎返入厨房并由厨师㓥左佢，减少佢嘅痛苦。可惜侍应诸多推搪，并解释：「咁先新鲜呀！」令人嗤之以鼻。根据全世界专业厨师嘅道德守则，厨师应以最快嘅速度宰杀家禽及海产，并令到佢哋嘅承受既痛苦减到最低。呢间餐厅嘅厨师都相当唔专业，又或者我可以用非人道黎形容。我奉劝各位有恻隐之心或者爱护动物嘅食客远离呢间餐厅，费事你食都食得唔安乐。Ps. 拍左片，但openrice冇得上载影片，只可以post相为证。