影片
更多
2017-09-19
23 浏览
红磡近港铁黄埔站，一向美食多，而家仲方便有地铁直达，今次四个人就去试吓小菜。餐牌入面有好多种食物选择，全部都系送饭一流。首先叫咗「川味水煮鱼」，我哋有几个比较钟意食鱼，特别系我哋两个女仔，辣度就系小辣，就咁睇都有好多鱼片喺面头，食落去比我想像中小骨，而且有好新鲜嘅鱼味道，酸酸辣辣好醒胃，原来最底部有芽菜，云耳同埋酸辣粉， 非常足料，呢啲配菜仲更入哂味。「客家煎酿豆腐」用铁板上，中间有「芫荽」做点缀，连我平时都唔钟意食芫荽同埋闻到会好讨厌𠮶阵味道，竟然今次冇抗拒，原因就系煎酿豆腐煎得好香，呈现金黄色，佢啲汁味道好香浓，渗头晒系豆腐入面，食落去豆腐好入味好滑，最重要系唔会好易散，而且每件豆腐上面都有虾滑，每一啖都有多种口感。其实每一款菜式都好好食，我最钟意就系「蜜椒金薯安格斯粒」，牛柳粒面头上有好多黑椒粒同埋蜜糖酱，食落去唔会太辣，仲有少少脆脆蜜糖嘅口感，而且牛柳粒好松软唔难消化，不得不提啲金薯，煎到外脆内软，咬落去好香口，好正。「霸王鸡」叫咗半只份量，卖相已经好吸引，鸡皮是黄色，望落去都好滑。食落去鸡肉嫩口够味，再配埋白饭食，认真滋味。见到每一台都叫咗「啫啫虾干通菜煲」，当我食落去嘅时候
红磡近港铁黄埔站，一向美食多，而家仲方便有地铁直达，今次四个人就去试吓小菜。
餐牌入面有好多种食物选择，全部都系送饭一流。首先叫咗「川味水煮鱼」，我哋有几个比较钟意食鱼，特别系我哋两个女仔，辣度就系小辣，就咁睇都有好多鱼片喺面头，食落去比我想像中小骨，而且有好新鲜嘅鱼味道，酸酸辣辣好醒胃，原来最底部有芽菜，云耳同埋酸辣粉， 非常足料，呢啲配菜仲更入哂味。
「客家煎酿豆腐」用铁板上，中间有「芫荽」做点缀，连我平时都唔钟意食芫荽同埋闻到会好讨厌𠮶阵味道，竟然今次冇抗拒，原因就系煎酿豆腐煎得好香，呈现金黄色，佢啲汁味道好香浓，渗头晒系豆腐入面，食落去豆腐好入味好滑，最重要系唔会好易散，而且每件豆腐上面都有虾滑，每一啖都有多种口感。
其实每一款菜式都好好食，我最钟意就系「蜜椒金薯安格斯粒」，牛柳粒面头上有好多黑椒粒同埋蜜糖酱，食落去唔会太辣，仲有少少脆脆蜜糖嘅口感，而且牛柳粒好松软唔难消化，不得不提啲金薯，煎到外脆内软，咬落去好香口，好正。
「霸王鸡」叫咗半只份量，卖相已经好吸引，鸡皮是黄色，望落去都好滑。食落去鸡肉嫩口够味，再配埋白饭食，认真滋味。
见到每一台都叫咗「啫啫虾干通菜煲」，当我食落去嘅时候就知道系乜嘢原因了，因为真系炒得好有镬气，而且系用铁板上，同样可以保存通菜嘅温度，最重要系通菜连埋啲肉碎粒好够味，有少少辣味，味道好香浓，送几碗白饭都得。饮品方面，包括有啤酒，汽水，冻柠茶，冻奶茶等等，多款选择。
各类小菜都好有客家风味，呢间餐厅食打边炉同埋小菜都系唔错嘅选择，极力推荐。
张贴
