彩福皇宴 (京瑞廣場1期)

营业中

休息中

平时我哋一般都会星期日嚟呢间饮茶，因为附近真系冇咩选择，食物质素ok，不过平时啲服务都系非常之差，成到成枱嘢都冇人执枱。 每次有服务需要叫人帮手，啲阿姐都系当睇你唔到，而且平时订枱，个知客成日都 mark漏，搞到明明有打电话去订，去到就话你冇订枱，呢种情况已经发生过最少两次。今日大年初二，我哋一家9点嚟饮茶，谂住开开心心饮过新年茶，点知畀呢度啲服务员吓亲。我哋非常明白农历新年饮茶，如果你个服务系好，派利是真系冇所谓，今朝一早目测有10个服务员，但成个场约十几张枱有客， 因为啲服务员根本冇嘢做 ，竟然成班10几个人咁过嚟逗利是，之后有一个新嘅客入到嚟，十几个服务员 又冲上去𠮶张枱恭喜发财逗利是，呢一个场景真系好失礼，可能酒楼冇谂过大年初二9点都咁少客，啲服务员又唔黎斟茶，现场竟然冇一个管理人去控制呢个场面，我私底下听到啲客议论呢件事，其实作为服务性行业，真系有返自己嘅操守，咁大个品牌都咁丢架。