新記芝士麵 (已結業)

下午茶时间，行过尖沙咀想揾啲特色啲又唔太饱嘅嘢食，所以就揾咗呢间芝士捞面嚟食啦。呢度其中一款出名嘅系猪颈肉芝士汁捞公仔面，所以就嗌咗碗嚟食下。🍽 猪颈肉芝士汁捞公仔面$50浓浓嘅黄色芝士汁铺满晒喺碗公仔面上面，我觉得𠮶啲根本系芝士酱多个芝士汁，而且食前闻到阵香味，个人更加肚饿。 而猪颈肉佢应该用咗蜜汁嚟整，食落甜甜地好似叉烧咁，但冇叉烧咁韧，食落啖啖都系肉。 总之，食落去每一啖都好有芝士味 ，面质又唔会好冧，但系价钱相对嚟讲就贵少少，如果佢份量多番啲就好喇。