美心香港地 (已結業)

是日去新港城食晚餐， 见到个餐牌几吸引，就入左去试。本身有个侍应带位，带带下唔见左，有个男侍应见到我地好迷茫，就安排我地去卡位坐。有位女侍应“Yungyung” 落单既时候发哂梦，同佢落完2个扒+$20套餐既时候，佢就咁一句：冇！Whats? 问佢冇D咩，之后Yungyung 发紧梦+用唔正宗既广东话解释冇得+$20套餐。哦~讲清楚小小丫麻，听到我一旧云。叫左3样野食：铁板黑椒汁肉眼扒配薯菜-相片既薯菜系薯条，但系实物系炸薯仔。炸薯仔系预先炸定，放凉左，个皮巢哂皮， 烟烟靭靭，但个心唔熟。黑椒汁其实系黑椒水。最重要个铁板系唔热，淋个汁上去时唔会炸炸声同冇烟。所以块扒仲好生，仲有血水。铁板黑椒汁肉眼扒配意粉-落错单，变左饭。冇比黑椒汁，叫先拎。榄菜四季豆-四季豆未熟，仲好青，同冇味道。中汤咸到一个点。全场最好食应该系扒餐上面既一旧西兰花。全晚几个后生既新香港人侍应就系度玩，嘻哈大声笑大声讲，我连我屋企人讲野都差D听唔到。不过其他年长D既侍应就好有礼貌同服务。同价钱黎讲，我会选择食大x乐。