泰好味

营业中

休息中

话说女朋友话想食泰菜，佢话九龙城呢间泰好味好食！好啦！ 女友叫到咪去试下啰！ 点知一坐就出事地方细就一定架啦，都唔会希望有好舒服地方你坐，d野好食咪得啰！ 好啦！叫野食先！十问九唔应，都算啦！ 我地叫左个冬阴公，凤爪，盐烧鲗鱼，串烧（唯一一样叫做好d既野）叫左以上野食，谂住加多样野啦！见佢写串烧肾，咪问下个姐姐系鸡肾定鸭肾，点知比佢神回覆我一下：「我点知呀，我做楼面咋，又唔系做厨房」系呢一时刻，我居然觉得个姐姐好有道理，一时间都唔到反应好！先黎个冬阴公！比够100个趣你！一个唔辣，唔酸，只有味精既冬阴公我都系第一次饮！如果你系间茶记跟餐比呢碗野我饮，我明白，我接受！但我比成57个大洋你比d咁既野我？！ 再黎多个唔辣唔酸既凤爪，好野！喂！完全无咪架㖞！你明明咁多配料点解都可以令到个凤爪完全无味道！呢下真系神乎其技！唔好比佢停！主角出场，盐烧鲗鱼！当佢远处拎紧埋黎个阵我已闻到一阵极到浓郁既鱼腥臭味！写到呢到，我都有d攰喇！要去对面食返个糖水开心返！ 总括来讲，呢间野系请都唔会黎食的一个级别！