星河小食 (已結業)

一直有听住在西湾河朋友说过，有个好好味猪扒包，难得星期日，约左朋友去锂景湾饮野，所以去拜会下，成日都以为间野系太安楼，原来唔系，系隔离条街上少少斜路，终于黎到星河门口，舖头两边贴满食物，猪扒包广告好养眼，嗱嗱叫一个猪扒包！等左大约五分钟，热辣辣猪扒包终于到手，一打开好惊喜大大个猪扒包，个包d芝麻好香，炸猪扒好厚身，厚得黎又唔觉得好肥腻，不过我最钟意系个酸酸地既沙律汁，个味好特别，我食完都会挂住个汁，夏天食确系特别开胃而个包包入面生菜，蕃茄都好新鲜，呢个价钱呢个高质素包确系好抵 难怪朋友常常推介