影片
更多
2022-09-27
196 浏览
同朋友一行4人约咗旺角食饭，所以好想拣啲任坐又任饮任食嘅地方🤔可以一边烚下烚下一边慢慢倾计，就揾到呢肉浦团，见佢menu 有四个set 拣，由最平$248嘅set 到最贵食到最靓日本A4和牛嘅set 都只系$468位😳 包括有A4鹿儿岛泰元和牛后腿肉、A4 鹿儿岛泰元和牛肩胛肉眼、A4 鹿儿岛泰元和牛牛展、A4 鹿儿岛泰元和牛牛五花、A4 鹿儿岛泰元和牛牛胸片。我个人不嬲比较偏好A4，因为冇A5咁油腻（曾经喺鹿儿岛食A5和牛油到夜晚疴油😅😅），又唔会好似A3咁偏瘦（澳洲和牛去到M8M9都只系A3左右）肉浦团可以咁嘅价钱就食到A4，性价比非常非常高👏🏼重点仲系无限时任坐任你食到够🥳当我地仲谂紧食边个set之际，店员话原来而家佢哋做紧一周年感谢祭，拣$368嘅M5和牛set 加$20即系$388就已经可以升级食到原价要$468嘅A4和牛set😱 咁吸引之下我哋就紧系拣呢个🙈开炉冇耐随即上咗盘识喷烟嘅牛拼盘🤤，上面每样牛都清楚写明系咩部位，比你哋试少少啱食边款就自己再落单，卖相劲吸睛非常作状岩晒打卡用🤭 🐂呢度真系有好多款唔同嘅牛肉选择，除咗啲日本A4和牛类别正，牛脂味极种极香就唔洗讲😌，另
当我地仲谂紧食边个set之际，店员话原来而家佢哋做紧一周年感谢祭，拣$368嘅M5和牛set 加$20即系$388就已经可以升级食到原价要$468嘅A4和牛set😱 咁吸引之下我哋就紧系拣呢个🙈
开炉冇耐随即上咗盘识喷烟嘅牛拼盘🤤，上面每样牛都清楚写明系咩部位，比你哋试少少啱食边款就自己再落单，卖相劲吸睛非常作状岩晒打卡用🤭
🐂呢度真系有好多款唔同嘅牛肉选择，除咗啲日本A4和牛类别正，牛脂味极种极香就唔洗讲😌，另外仲推介封门柳同1++韩牛后腿肉，肉质弹牙又唔怕有好重嘅牛骚味👍🏻。最特别又未食过嘅就系牛滑喇，听店员讲佢哋嘅牛滑全部自家制🤔完全系山竹牛肉球嘅味道，调得非常惹味，但系就冇加芫茜，打边炉滚过后入口比起饮茶食到嘅更滑，系「滑牛」☺️，中意芫茜嘅朋友可以自己去自助吧拎大量芫茜调配😂
🐖豚肉方面就推荐俄罗斯猪五花腩同猪面颊肉，五花腩半肥瘦豚脂丰富，猪面颊就厚少少条状切但一啲都唔柴有咬口，味道就似猪颈肉咁好香
除咗大量肉任你食其实呢到仲有虎虾🦐，北吉广岛蚝🦪，日本带子，啲虎虾只只都粗同长过只手指胀卜卜，仲要啲肉系弹牙冇一只系食到梅嘅🤩唔似其他任食嘅餐厅比啲un 芝芝嘅虾😑 日本带子直头有惊喜，系劲厚劲大粒😳 烚完系超好食劲有咬口，唔惊放咗落煲就转头缩水到唔见左🤡 另外唔想剥虾嘅朋友可以试吓佢虾滑，真系啖啖食到虾肉粒爽滑架😋
除咗呢啲喺menu 上嘅野食，出面仲有一个自助区有好多唔同啲丸类肠类同疏菜任夹，要提一提大家真系要试吓啲丸，呢到嘅丸有大部分你出面都唔系咁易买到或者见过😱我最推荐嘅系芫荽贡丸，香芋贡丸同埋冬阴公鱼蛋，仲有佢啲台湾一口肠系真系台湾嘅口味嚟🤩
另外野饮都系任饮同自己出外面雪柜任拎嘅，其实选择都好多，最赞赏嘅系佢会不停fill up 同埋个雪柜系劲够冻💯平时出面任食𠮶啲个雪柜长期比人拎到劲稀疏冇乜得拣，唔系嘅就fill 完但啲野饮系暖嘅😒打边炉咁热紧系要饮冰冻🙈 想啤一啤佢嘅朋友🍺亦到可以加$48就已经有埋啤酒放题😌
最后仲要有埋甜品送🍨有haagendaz 嘅士多啤梨味同曲奇味，总括嚟讲，$388呢个价钱食到咁高质嘅食材，仲要系任食，CP 值真心极高而且我哋4个都食到棒住个肚走劲满足🥹
张贴
