林洪記

营业中

休息中

同事住长沙湾，倾开计同我讲长沙湾有一个熟食市场，入面有间食任食海鲜蒸气锅好抵食，所以约咗个钟意食海鲜嘅朋友去试一试。入到熟食市场最顶层，揾到有一间叫《林洪记》嘅大排档，坐低后伙计介绍佢哋个蒸气锅+打边炉放题，每位$218免加一，哗真系抵到烂！因为呢个餐系包括圣子、鲍鱼、石斑、虫草滑鸡、牛、海虾（蒸气锅），再加两小时任点任食白色点餐纸𠮶啲海鲜，有蚝仔、炒蟹、丸𠮶啲。实在太抵食！支装汽水任饮！另外仲可以加$20就可以啤酒任饮，真系朋友聚会嘅好地方！蒸气锅海鲜：唔知系咪因为喺熟食市场嘅关系，近水楼台，感觉好新鲜真系即叫即㓥，石斑系好好味，虫草鸡系食得出新鲜鸡，鲍鱼十分弹牙，净系食头一part已经值回票价！打边炉放题：由于第一part已经食得好满足好饱（食左下午茶食唔到咁多），所以叫咗墨鱼滑、虾滑、蚝仔就饱饱！其实如果大食嘅话真系可以食好多野！同平时打边炉任食嘅选择一样咁多！总体评价系十分之抵食、海鲜全部都好新鲜，如果唔介意地方比较平民之外，呢个海鲜蒸气锅放题我会极力推介俾所有朋友！