南小館Plus (已結業)

晏昼约咗朋友去希慎广场上面嘅南小馆食野～ 呢间以前系铜锣湾做嘢嘅时候成日黎,但系冇黎一段时间 最钟意佢就系光线十足，对住靓景，一路食住野，一路觉得好精神嘅感觉 再嚟，就系佢嘅茶 超特别，我饮咗几次发觉应该系芝麻既茶？但系好似好健康咁 我最钟意就系老干妈年糕，大良炒饭，四季烤麸，鸡丝粉皮，干扁四季豆，同埋蒜蓉白菜！好似好多咁，因为佢样样都好好食！我觉得上海菜来讲，比起上海乜乜等好食好多，都算几正宗👍🏻 逐样逐样讲！我最钟意就系大良炒饭，如果你钟意炒饭系炒到粒粒分明嘅，呢味就好啱你，佢最好味嘅地方就系啲饭系唔会好痴，粒粒散开，酱汁入晒饭粒，一食味值系饭度岀黎👍🏻👍🏻老干妈年糕应该系用大良炒饭既酱汁做法，因为未到好似，我唔系太识煮饭，所以唔知系唔系，佢嘅年糕烟韧程度啱啱好，唔会太硬顶胃，亦都唔会太软好似食面咁至于干扁四季豆同蒜蓉白菜，我就觉得系厨师劲，因为呢2道周围都有食～ 至于两道前菜，就系我favorite!! 呢度嘅鸡丝粉皮吖，花生酱好足料，粉皮唔会太硬好似食紧胶，反而好似食水晶粉咁🤣🤣 会越食越想再食呢间仲要系环境唔错，好适合倾计，因为枱与枱之间唔会太迫，有足够空间隔离枱唔会听到你讲