木船泰國粉麵專門店 (已結業)

太耐冇食过泰国嘢，今日就试下开咗一段时间嘅木船啦。装修系模仿一只船，系一个好特别嘅餐厅。我地一行三人，叫咗两个套餐三个小食，两杯嘢饮。叫咗一个香叶肉碎配脆脆鸡翼饭同招牌烧豚肉饭。两个饭既份量都大，而鸡翼系好香脆，唔会太干身，但个人认为肉碎唔够辣，同行朋友就觉得可以接受。重头戏黎啦，个烧豚肉饭我哋三人一致认为系好好，因为食到炭烧既味，而且仲充满肉汁，超级香口，极度推介而每一个套餐都会跟三款小食一个汤，小食有腐竹卷，沙律蛋同朱古力小蛋糕，汤就有冬阴功汤同鲜鸡汤。比较出色既系冬阴功汤，够辣而且鲜味够出另外我地仲追加左三款小食同两杯嘢饮。小食有泰式炸鱼饼，木瓜沙律同泰式凤爪。个人中意食泰式炸鱼饼，因为好弹牙，而且唔会有腥味。但朋友就钟意食泰式凤爪多啲，因为配合埋蔬菜，成件事好fresh。嘢饮方面，我哋叫咗青柠梳打同新鲜椰青。两款嘢饮都钟意，因为青柠梳打够酸，够气，椰青够甜，而且又大个食完个个都捧腹而走